FeminismoS

e para velas mellor… pincha aquí
Fotografías de Rute Cortiço.

IMOS QUEIMAR A CONFERENCIA EPISCOPAL… from o feminismo esta a pasar on Vimeo.

28 de novembro from o feminismo esta a pasar on Vimeo.

O feminismo está a pasar por aquí from o feminismo esta a pasar on Vimeo.

O passado sábado 6 de março um grupo de umhas 60 mulheres organizadas em diverssos grupos ao longo da geografía do país (assim como individualidades) participamos numha macro-pintada na avenida de lugo compostelá. Com o lema “Imos queimar a Conferencia Episcopal por machista e patriarcal” demos começo a umha campanha de visivilizaçom e protesta ante a opressom ejercida pola Igreja Católica sobre os nossos corpos e vidas, assim como pola súa colonizaçom dos cartos e espaços públicos.

NÓS PARIMOS, NÓS DECIDIMOS! from raquel rei on Vimeo.

Acçom feminista o 23 de Maio de 2009 em Santiago de Compostela.

Detras do direito ou nom ao aborto, oculta-se o direito ou nom de decisom das mulheres sobre o nosso corpo, sobre a nossa sexualidade e sobre a nossa vida. Decidir abortar é sem dúvida umha decisom importante, mas é umha decisom que as mulhres devemos tomar livremente e nunca condicionadas polas mentiras de ninguém.

Detras das campanhas pro-vida, oculta-se a imposiçom cínica duns valores que lonxe de defender a vida, a liberdade e os direitos das pessoas nom fai mais que nega-los. Obrígam-nos a um debate ficticio quando o que pretendem é imponher o seu discurso retrógrado e a sua ideologia autoritária, pretendem suprimir os mínimos direitos conseguidos polo movimento feminista, proivindo o direito a pensar distinto.

Nom podemos permitir que os satélites da Igreja Católica e da sua mafia, o OPUS DEI, ataquem a nossa integridade como mulheres, temos que fazer-nos ouvir, devemos protestar, organizar-nos e luitar polos nossos direitos!!

AVANTE A LUITA FEMINISTA!

… que en realidade se celebrou o 28.

se queredes máis… pinchade aquí!

Vimos do feminismo radical, somos as bolheras, as putas, xs trans, as migrantes, as negras, as hetero-dissidentes….somos a raiva da revoluçom feminista, e queremos amossar os dentes; sairmos dos gabinetes do gênero e das políticas correctas, e sermos guiadas polo nosso desejo sendo politicamente incorrectas, amolando, repensando e resignificando as nossas mutaçons. Já nom vale com sermos só mulheres. O sujeito político do feminismo “mulheres” ficou pequeno, é exluínte por sim próprio, deixa fora às bolheras, às/aos trans, às putas, às do véu, às que ganham pouco e nom vam à úni, às que berram, às sem-papéis, às marikas…

Dinamitemos o binómio gênero e sexo como prática política. Sigamos o caminho que começamos, “nom se nasce mulher, chega-se a sê-lo”, continuemos a desenmascarar as estruturas de poder, a divisom e ierarquizaçom. Se nom aprendemos que a diferença homem mulher, é umha produçom cultural, ao igual que o é a estrutura ierárquica que nos oprime, reforçaremos a estrutura que nos tiraniza: as fronteiras homem/mulher. Todas as pessoas produzimos gênero, produzamos liberdade. Argumentemos com infinitos gêneros…

Chamamos à reinvençom desde o desejo, à luita com os nossos corpos ante qualquer regimem totalitário. Os nossos corpos som nossos!, ao igual que o som os seus límites, mutaçons, cores e transacçons. Nom precissmaos protecçom entorno às decisons que tomamos nos nossos corpos, transmutamos de gênero, somos o que nos peta, travestis, bolhos, superfem, butch, putas, trans, levamos véu e falamos wolof, somos rede: manada furiosa.

Chamamos à insurreiçom, à ocupaçom das ruas, dos blogues, à desobediência, a nom pedir permissom, a gerar alianças e estruturas próprias: nom nos defendamos, façamo-nos temíveis!

Somos umha realidade, operamos em diferentes cidades e contextos, estamos conectadxs, temos objectivos comuns e já nom nos calades. O feminismo será transfronteiriço, transformador, transgênero ou nom será, o feminismo será TransFeminista ou nom será…

Keremos-vos